Назель - Ой комузчу чертип койчу комузду

Назель - Комузчу
Ой комузчу, комузчу,

Чертип койчу, комузду.
Элжиресин эт жүрөк,
Бийик чыгар добушту.

Муратаалы чал тарткан,
«Сынган Бугу», «Камбаркан»,
Ушул сонун күүлөрдү
Уккан жандар таң калган.

Ойго келбейт убайым,
Оюнуңа тунайын
Токтогулдун «Ботоюн »
Чертип койчу угайын.

Жерде эмес бийик көктөсүң,
Жаныңан кыздар кетпесин.
Козгоп-түзөп койдуң бейм,
Жүрөгүмдүн тепкесин.

Ниязаалы сайраткан,
Боз жоргодой айдаткан.
«Сары Барпы » күүнү черт
Тыңшасын булбул чарбактан.